Tunge khin theih a,tunge khin thei loh?

Tort atang a thlir a,ngaihdan tlangpui ah chuan tupawh eng case ah pawh nise hliam(injury)a nei anih chuan a hliamtu lakah case a file thei ani.Chutih mek lai chuan pawl thenkhat chânna ah emaw tawrhna ah pawh nise khin theiloh an awm ve bawk ani.

Zawhna lo awm thei ta chu,engvangin nge hetiang pawl lakah hian case kan file theih loh ang?Engvang a Dân in a hum bik nge anih? tih hi ani.

Tute lakah nge case chu kan file theih ang?

Tupawh chhia leh tha hriatna nei,business man,pawl,sawrkar leh mimal lakah hian case kan file thei ani.Rilru hrisel leh pianphung a rualbanlo anih loh phawt chuan.

Tute lakah nge case kan file theih loh ang?

Case kan file theih lohna tur hi pawl 7 a then ani a,chungte chu:

1.An Alien Enemy(Ram pawn lam mi a hmelma):An Alien Enemy tih chu ram dang ami hmelma neih ani.Hetiang mi lakah hian case kan file theilo ani.English Law atanga thlir dan chuan Council atanga phalna a lak loh chuan a khing theilo ani.Indian Law atang ve thung chuan Central Government hnuai a IPC Section 83 dân hmang a,phalna a lak chauhin a khing ve thei thung ani.

2. Convict : Convict tih awmzia chu dân hnuaia thubuai nei mek.Entirnan: Court rorelna hnuai a thi tur emaw lung in a tang tur a tih ani.English Law atanga thlir dan chuan kha convict a kha a thubuai neihte chu tawp tawh mahse court rolrelna a thiamloh lo chang tawh anih avangin a thil neih engkim chânna emaw neih letna tur atan pawh nise kha kan convict khan case a file theilo ani.India ah ve thung chuan kum 1921 thleng kha chuan convict in case anlo file thei biklo ani.Mahse,tunah chuan IPC siamthat in alo awm leh a,convict hian a taksa ah emaw a thil neih ah te emaw pawh nise case a file ve thei tawh ani.

3. Husband and Wife (Nupa) : Hun kal tawh ah kha chuan English Law atanga thlir danin nupa inkarah case a file theihloh ani. Nimahsela The Married Women’s Property Act 1882 ah kha chuan a hmeichhia(nupui) chauhin case file theihna dan anei ani.Chutih mek lai chuan Mipa(pasal)erawh chuan case file theihna dan a neilo ani.The Law Reform(husband and wife) Act 1962 chuan khauh tak a dan kal puiin nupa inkarah hian pasal emaw nupui pawhin case an file thei ve ve tawh ani.